Finlandezi Pihamaa kërkon punë në Kosovë

Prishtinë – Dështimi i gjermanit Wolfgang Jerat te Prishtina nuk pengon trajnerë të tjerë të huaj që të synojnë të punojnë në Kosovë. Në fakt, numri i trajnerëve nga vendet e tjera që shprehin dëshirë të drejtojnë skuadra të futbollit në Kosovë nuk është i madh. Njëri prej tyre është finlandezi, Pasi Pihamaa. Pihamaa aktualisht drejton skuadrën e kategorisë së dytë finlandeze, PK-35.

Gati gjysma e kësaj skuadre përbëhet nga futbollistët shqiptarë, ndërsa edhe ndihmësi i Pihamaas, Ilir Zeneli, është nga Kosova. Finlandezi Pihamaa vitin e kaluar ka vizituar Kosovën, ndërsa pas mbylljes së edicionit në Finlandë, në vjeshtë, planifikon të marrë drejtimin e ndonjë skuadre kosovare. Pihamaa ka zhvilluar disa stërvitje në Mitrovicë dhe ka pëlqyer atë që ka parë.

Tani përcjell thuajse rregullisht ndeshjet e kampionatit kosovar dhe është i bindur se do të mund të japë kontribut në zhvillimin e futbollit në Kosovë (më gjerësisht në “Koha Ditore”)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).