Financuesit e “Hezbollah”-ut në garë për PTK-në!

Me kërkesë të investitorëve për gati dy vjet u shty afati për privatizimin e PTK-së. E në ditën e fundit nga katër konsorciume sa ishin në garë, vetëm dy treguan interesim më serioz për privatizimin e 75 për qind të aksioneve të PTK-së. Konsorciumi gjermano-amerikan “Axos Capital”, dhe kompania libaneze, me seli në Londër “M1 Internacional Limitid” kanë dorëzuar ofertat e tyre.

Ofertat financiare të tyre do të dihen pas disa dite, kur edhe pritet të merren vendimet përfundimtare për shitjen e kësaj kompanie publike. Përfaqësues të Ministrisë së Zhvillimit Ekonomik, ka thënë se tani i mbetet Komisionit Ndërministror, që të bëjë vlerësimin e ofertave financiare.

Sipas tyre, garën për blerjen e PTK-së do ta fitojë oferta më e lartë. E kundër krejt këtij procesi kanë dalë sërish punëtorët e PTK-së. Ata kanë kërkuar që privatizimi të ndërpritet menjëherë.

Ofertat e dorëzuara sipas krerëve të ministrisë së Zhvillimit Ekonomik, do të monitorohen nën masa të rrepta sigurie. Por ministri Besim Beqaj, nuk ka treguar se çfarë vlere kanë ato oferta.

Vlerësimi i tyre është thënë se do të bëhet brenda një afati kohor. Por, ai nuk ka thënë ndonjë datë të saktë se kur do të përfundojë ky proces.(tribuna)