Fillon takimi Mustafa – Vuçiq
RajoniPress
19:19, 9 Shkurt, 2015
Ka filluar takimi në mes kryeministrit të Kosovës, Isa Mustafa dhe atij të Serbisë, Aleksandër Vuçiq.
Shefja e politikës së jashtme të Bashkimit Evropian, Federica Mogherini, e ka cilësuar si të rëndësishëm rifillimin e dialogut midis Prishtinës dhe Beogradit
Në një deklaratë të shkurtër për gazetarët në Bruksel, ajo ka shfaqur shpresën për rezultate pozitive nga ky takim.
Kryeministrat e Kosovës dhe të Serbisë, Isa Mustafa dhe Aleksandar Vuçiq, takohen sonte në Bruksel, me praninë edhe të Mogherinit.
Më herët, zëdhënësja e Mogherinit, Maja Kocijançiq, ka thënë se temë diskutimi sot pritet të jetë zbatimi i marrëveshjeve të arritura deri më tash dhe hapat e mëtejmë në këtë proces.
