Fillon gjykimi i kosovarit për therjen e mundësit zviceran

Zingrich: Për mua ka më shumë rëndësi që ai, menjëherë pas vuajtjes së dënimit të dëbohet nga Zvicra

Sot, para trupit gjykues të Gjykatës regjionale të Thunit, fillon procesi gjyqësor për rastin e therjes me thikë të një mundësi zviceran, që kishte ndodhur në gusht të vitit të kaluar në Interlaken. I akuzuar për therjen është shqiptari nga Kosova, Rasim R. ndërsa i dëmtuari, sportisti dhe politikani lokal i SVP-UDC-se Kari Zingrich.

Sipas aktakuzës, zënka me fjalë midis mundësit zviceran dhe vëllezërve Rasim e Jeton R. kishte eskaluar pasi që Zingrich ishte sulmuar me thikë nga Rasimi.

Kështu, Rasim R. akuzohet për tentim vrasjeje për çfarë mund të dënohet deri me 5 vjet heqje lirie. I kontaktuar ga gazetarët zviceranë, Zingrich ka thënë se për të nuk ka shumë rëndesi masa e dënimit. “Për mua ka më shumë rëndësi që ai, menjëherë pas vuajtjes së dënimit të dëbohet nga Zvicra. Dhe që kurrë këmba e tij të mos mund të shkelë në Zvicër”, ka sqaruar ai.

Zingrich thotë se plaga në qafë tashmë i është shëruar mirëpo e prera në dorë vazhdon t`i shkaktojë edhe më tutje dhembje, sa herë që e lëviz.

Procedura kundër vëllait të Rasimit, Jetonit, qe ndërprerë në fillim të vitit ndërsa Rasimi, i cili e ka pranuar veprën ndodhet prej disa muajsh në paraburgim.

“Klienti im ka treguar pendim dhe ka kërkuar falje ndaj z. Zingrich dhe familjes së tij”, thotë avokati i tij. Por ai shton se beson që “avokati i viktimës të mbetet pranë akuzës për tentim vrasjeje. Nga ana tjetër avokati i Rasim R., kërkon vetëm një dënim pjesërisht me kusht për Rasim R. “Klienti im kishte menduar se Zingrich po e kërcënonte vëllanë e tij, Jetonin. Si rrethanë tjetër lehtësuese, sipas avokatit në fjalë, ka qenë fakti se Rasimi, kur e ka kryer therjen,kishte qenë në gjendje të dehur.

Verdikti i gjyqit për rastin e therjes në Interlaken, do të bjerë të premten.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).