Fillojnë “luftën” për zgjedhjet lokale

Partitë politike në Kosovë kanë filluar t’i “mbrehin shpatat” për t’i fituar zgjedhjet e ardhshme lokale në vend, të cilat parashihet në mbahen në vjeshtën e këtij viti

Kësaj “valleje” ia ka nisur Lidhja Demokratike e Kosovës (LDK), drejtuesit e së cilës kohën e fundit i kanë shpeshtuar takimet me kryetarët e degëve, nga të cilët, lideri i LDK-së, Isa Mustafa, është duke kërkuar angazhim maksimal për t’i fituar zgjedhjet e ardhshme lokale, që pritet të mbahen në fund të këtij viti.

Ndonëse në zgjedhjet e fundit të 2009-ës PDK-ja kishte fituar shumicën e komunave, megjithatë, partitë më të mëdha janë të bindura se në këto zgjedhje do të jenë kandidatët e tyre që do të fitojnë nëpër komuna.

Besohet se gara më e “nxehtë” do të jetë ajo për kryetar të Prishtinës, ku tash e trembëdhjetë vjet zgjedhjet i fi ton Lidhja Demokratike e Kosovës. Njëri nga nënkryetarët e LDK-së, Haki Rugova, thotë se takimet e shpeshta të kryetarit të kësaj partie, Mustafa, me bashkëpartiakët e tij kanë për qëllim përgatitjen sa më të mirë, siç thotë ai, që t’i fitojnë zgjedhjet komunale në vend.(zeri)