Filloj festa e poezisë në Karadak

Gjilan – Në Dunav është hapur solemnisht manifestimi “Trekëndëshi poetik i paqes”. Veton Nevzati në emër të kryetarit të komunës tha se sot është ditë dhe festë e poezisë në Gjilan e Anamoravë. Don Lush Gjegji i cili edhe hapi manifestimin tha se këto takime poetike ndikojnë që ne ta njohim më shumë dhe më mirë njëri tjetrin.

Poetë nga të gjitha trojet shqiptare janë bërë bashkë të shtunën në kodrat e Karadakut. Ishte restauranti “Dunav” ku edhe u hap manifestimi tradicional “Trekëndëshi poetik i poezisë”, raporton rajonipress.

Në këtë manifestim pati poet nga të gjitha viset. Aty ishte Rexhep Abazi nga Medvegja, Bilall Maliqi nga Presheva, Avni Rudaku, Ramadan Mehmeti, Prend Buzhala, Ibrahim Kadriu, Nexhat Rexha, Sarë Gjergji etj.

Sabit Rrustemi në emër të organizatorit Ars Club ”Beqir Musliu” tha se manifestimi po bëhet gjithnjë e më i popullarizuar dhe më tërheqës.”Me këto takime po tregojmë përkushtimin tonë që të jemi bashkë si një vëlla e si një komb. Këtu kam koleg nga Presheva, Medvegja, Kukësi, Kumanova, Bujanoci, e shumë qytete tjera shqiptare” tha Rrustemi.

Kurse Veton Nevzati drejtor për kulturë, rini e sporte i cili përshëndeti në emër të kryetarit të Gjilanit tha se ky manifestim më shumë është festë e poezisë dhe si i tillë edhe do të trajtohet.”Komuna e Gjilanit ka mbështetur aktivitetet e tilla sepse janë pasqyrë e mirë e vlerave kulturore që pasqyrojnë Gjilanin dhe Anamoravën”.

Manifestimin e ka hapur Don Lush Gjergji i cili tha se manifestimet poetike na japin mundësi ta njohim më mirë njëri tjetrin, të jemi kë të bashkuar edhe në fushën kulturore e poetike.”Këta vëllezër e motra që janë sot në këtë manifestim na japin të kuptojmë se ne jemi fuqi edhe kulturore dhe dimë të bëhemi bashkë edhe në këso festa me karakter mbarëkombëtarë” tha Gjergji.

Më pas poetët e të gjitha grupeve e moshave kanë recituar poezi duke e mbajtur orën letrare tek kisha “Shën Ana”./rajonipress/