Filloj edicioni i 17-të i Manifestimit Tradicional gjithëkombëtar “Flakadani i Karadakut 2018”

Viti – Kryetari i Komunës së Vitisë, Sokol Haliti para hapjes së këtij manifestimi ndër tjerash ka folur për rëndësinë e këtij manifestimi. “Manifestimi tradicional gjithëkombëtar Kulturor e sportivë “Flakadani i Karadakut”, që personifikon figurën e dëshmorit të kombit Njazi Azemi – komandant Mjekra, është një nga ngjarjet më kulmore në komunën e Vitisë.

Flakadani si simbol i rezistencës dhe lavdisë, edhe sivjet në vitin e 17 të veprimtarisë, do të grumbullojë në Viti artistë e piktor, shkrimtar e poet, solistë e valltarë, shoqëri e Ansamble, sportistë e sportiste nga të gjitha trojet shqiptare, që me aktivitetet e tyre, të nderojmë figurën e komandant Mjekrës dhe gjithë dëshmorëve të lirisë, të cilët dhanë më të shtrenjtën jetën, për lirinë e Kosovës”, u shpreh ndër tjerash Haliti.

Kurse Milot Lala, Drejtor për Kulturë, Rini dhe Sport në Viti, bëri me dije aktivitetet të cilët do të shumta kulturore e sportive të cilët do të zhvillohen për gjashtë ditë rresht. Abdyl Bajrami nga Organizata e Veteranëve të Luftës së UÇK-së në Viti ndër tjerash tha se në këtë manifestim bëhen bashkë njerëz të gjitha profilet dhe të gjitha trojet shqiptare duke e cilësuar se ky manifestim ju kushtohet një nga ushtarët më besnik të trojeve shqiptare.

Ai bëri me dije se OVL e UÇK-së ka kërkuar nga Presidenti i Kosovës që në 10 vjetorin e pavarësisë së Kosovës të bëhet dekorimi i Nijazi Azemit-Komandant Mjekrës. Kurse Ish-Komandanti i Ushtrisë Çlirimtare për Preshevë, Medvegjë dhe Bujanoc Shefket Musliu pati i dorëzoj kryetarit Haliti një mirënjohje.

Në kuadër të këtij manifestimi mbrëmë në Mogillë, konkretisht në fshatin e lindjes së Nijazi Azemit- Komandant Mjekrës është hapur ekspozita që lidhët me figurën dhe veprën e këtij dëshmori.

Përndryshe ky manifestim po mbahet nën organizimin e Drejtorisë për Kulturë, Rini dhe Sport, përkujdesjen e Kryetarit Haliti si dhe nën mbështetjen e Ministrisë për Kulturë, Rini dhe Sport të Republikës së Kosovës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).