Filloi fushata e korrje – shirjeve në Komunën e Kamenicës

Kamenicë – Fushata e korrje – shirjeve në Komunën e Kamenicës filloi zyrtarisht në fshatin Shipashnicë e Poshtme. Në hapje morën pjesë kryetari Sinani me drejtorin e Drejtorisë për Bujqësi dhe Zhvillim Rural, Islam Isufi, si dhe anëtarët e komisionit komunal për korrje- shirje.

Kryetari i Komunës Begzad Sinani uroj që fushata të jetë e suksesshme dhe rendimentet të jenë sa më të larta.

Sipas komisionit komunal të korrje – shirjeve, këtë vit priten të korren rreth 1,700 ha. me grurë dhe 40 ha. me elb. Në fushatën e korrje- shirjeve janë të angazhuara rreth 32 autokombajna.

Komisioni komunal për korrje- shirje do ta përcjell fushatën deri në përfundimin e saj. Ku vëmendje të posaçme do t`i kushtohet humbjeve gjatë procesit të korrjes që ato të jenë sa ma të vogla, pastaj mbajtjen e rendit të korrjes, si dhe marrjen e masave parandaluese kundër zjarrit.

Gjatë vizitës në terren nga komisioni dhe informatave nga terreni, rendimentet sillen rreth 3,500 – 4,000 kg. / ha. me grurë , kurse sa i përket elbit rendimenti sillej rreth 3,000 – 3,500 kg. / ha. Drejtori i drejtorisë së Bujqësisë , Islam Isufi, shpreson që fushata e korrje-shirjeve do të rrjedhë pa ndonjë problem./rajonipress/