FIFA shkruan për Shkëlzen Gashin
Shkëlzen Gashi ka fituar një epitet të çmuar nga FIFA.Ueb-faqja e shtëpisë më të madhe të futbollit botëror, FIFA, i ka kushtuar një artikull të veҫantë sulmuesit kosovar, Shkëlzen Gashi.
FIFA.com ka lavdëruar Shkëlzenin për kontributin e madh që ka dhënë për Baselin gjerë tani, duke qenë shpresa e vetme e klubit për një kalim tutje në Champions.
Edhe pse nuk luajti në tre sfidat e para në Ligën e Kampionëve, me të inkuadrua në të katërtën ai shënoi gol kundër Ludogorets.
Gashi gjithashtu pati një paraqitje tejet të mirë edhe në humbjen minimale 1:0 të pësuar nga Real Madridit, duke e fituar epitetin e ‘Njeriut të Hekurt’ të Baselit.
“Ai gjithmonë e di se ku duhet të pozicionohet”, thotë mbrojtësi zviceran, Philipp Degen.
Ndryshe, Gashi u transferua te Baseli në verën e këtij viti duke kaluar nga Grasshoppersi.
Me këta tëfundit ai u shpall top-golashënuesi i Superligës zvicerane stinorin e kaluar me 19 gola.
E, me Baselin këtë edicion në të gjitha garat ai ka shënuar 13 gola.