FIFA lejon edhe një futbollist të luaj për Kosovën, në pritje edhe tre tjerë

​Elbasan Rashani është futbollisti i radhës që i është bashkuar Kombëtares së Kosovës. Kombëtarja e Kosovës në futboll ka marrë një tjetër lajm të mirë nga FIFA, pasi Elbasan Rashanit i është lejuar të luaj për Kosovën.

Përveç tij, Kosova është në pritje edhe të kërkesave të Besart Berishës, Arbër Zenelit dhe portierit Adis Nurkovic.

“Mund të konfirmoj se kemi marrë leja edhe për Elbasan Rashanin, kurse aktualisht në proces në FIFA janë edhe Besart Berisha, Arbër Zeneli dhe Adis Nurkovic”, ka thënë menaxheri i Kombëtares së Kosovë, Bajram Shala për Express.

Kujtojmë se Rashani ka zhvilluar dy ndeshje me Kosovën para pranimit të saj në UEFA dhe FIFA, ku edhe kishte shënuar një gol kundër Shqipërisë, ndeshje që u zhvillua në muajin mars në Prishtinë.

Ai më parë ka luajtur me të gjitha grupmoshat e Norvegjisë U-16 deri në U-21. /Express/