Festat e fund vitit do të nisin me fitoren e PDK-së

Gjilan – “Dheu i Bardhë” ka qenë strehë e aktiviteteve ilegale dhe ne do ta bëjmë qendër të zhvillimit dhe njërën ndër lagjet më të mira të qytetit ka thënë Zenun Pajaziti.

“Ju sigurojmë se për 4 vite lagjes tuaj do t’i japim imazh tjetër. Këta që sot po qeverisin me Gjilanin nuk kanë qenë në gjendje as ti mirëmbajnë projektet e kryera gjatë qeverisjes së PDK-së. Këta, të cilët janë sinonim të ushtarëve prej letrës, dijnë vetëm të flasin, dhe aspak të punojnë. Këta që për 4 vite radhazi e kanë përmend autostradën e Gjilanit. Pos fjalëve propagandistike, as një guri nuk kanë arritë me qitë në autostradë. Sa i përket autostradës ky projekt nuk ka qenë asnjëherë i tyre, mirëpo ka qenë projekt i PDK-së” ka thënë Pajaziti.

Kryetari Pajaziti do të qëndrojë afër gjithë qytetarëve ditë e natë për t’ju shërbyer me shumë përkushtim thuhet në njoftimin e degës së PDK-së në Gjilan./rajonipress/