Festa e Pavarësisë, nis në ditën e të dashuruarve

Dita e të dashuruarve, 14 shkurti në Kosovë do të shënojë edhe fillimit e festës së gjashtë vjetorit të Pavarësisë së Kosovës. Qeveria e Kosovës ka vendosur që ditëlindjen e gjashtë të shtetit ta fillojë me 14 shkurt, e ta përfundojë më 17.

Për këtë festë, Qeveria ka formuar një këshill organizativ i cili tash e sa javë është duke u marrë me përgatitjet festive, në mënyrë që festa të shkojë sipas agjendës.

Festa e 6 vjetorit të Pavarësisë së Kosovës, do të fillojë me shfaqje teatrale për fëmijë e të rritur, nga 14 shkurti.

Ndërsa festa do të kulmojë me 17 shkurt me defilime në shesh të Forcës së Sigurisë së Kosovës si dhe të Policisë, shkruan Tribuna.

Për këtë datë të shenjtë, Kuvendi do të mbajë seancë solemne, ndërsa Presidentja Atifete Jahjaga do të pres mysafirë.
Për krejt këtë organizim Qeveria i ka ndarë 10 mijë euro./Tribuna/