Festa e Burgosur!
Fundviti në Kosovë sjellë edhe numra special të të përditshmeve kosovare. Emra të njohur të politikës, kulturës, muzikës, sportit, etj., në numrat e veçantë të fundvitit sjellin rrëfime më ndryshe, duke filluar nga jeta e tyre e përditshme, aktivitetet, e kaluara, fëmijëria, etj.
Të përditshmet kosovare nuk do të dalin të gjitha në të njëjtën ditë me numrin festiv. Të shtunën (sot) në treg mund ta gjeni “Epokën e Re”, “Tribunën Shqiptare” dhe numrin festiv të gazetës së vetme sportive në vend, “Sport”.
“Express”, numrin festiv e qet në treg të dielën, ndërsa gazetat tjera të hënën.
“Epoka e Re” ia ka kushtuar ballinën Fatmir Limajt, i cili natën e ndërrimit të motmoteve do ta kaloj në burg.
“Festa e burgosur”, kështu mban titullin ballina e kësaj të përditshme.
“Deputeti Fatmir Limaj, u bë i burgosuri më i njohur sot për sot në Evropë.
Por kjo burgosje dhe persekutimi sistematik i tij dhe bashkëluftëtarëve të tij, e kanë rrënuar shpresën se misioni evropian do të dallohet për të mirë nga misioni i Kombeve të Bashkuara, shkruan “Epoka e Re.
Drejtësia u bë e shtrembër, ndërsa besimi u bë frikë; Drejtësia u burgos, jo ai! Gëzuar 2013! Me burgje politike!”. (ORAinfo)