Fëmijët me nevoja të veçanta bëhen me përkujdesje ditore

Gjilan – Rritja e vetëbesimit dhe vlerësimit, socializimi e zhvillimi i potencialeve që ka fëmija, do të jenë disa nga aktivitetet tjera që do të zhvillohen në këtë qendër, ka thënë Klevis Vraqari nga Organizata ““One to one Kosova”.

Jahi Hasani, nga Vitia, tashti ka ku të dërgojë fëmijën e tij, i cili ka nevoja të veçanta. Që nga kjo e marte, në Gjilan është hapur një qendër e tillë, të cilën e kanë përuruar vendorë e ndërkombëtarë dhe është e para e këtij lloji në Gjilan.

Qemajl Mustafa, kryetar i Gjilanit, bashkë me një fëmijë me nevoja të veçanta kanë prerë shiritin e Qendrës për Qëndrim Ditor të Fëmijëve me Aftësi të Kufizuara, investim ky i Bashkimit Evropian.

Liridona Zogaj, që drejton Organizatën “One to one childres found”, ka thënë se tashti fëmijët në nevojë kanë ku të qëndrojnë gjatë ditës e Qemajl Mustafa, kryetar i Gjilanit, ka thënë se komuna është e gatshme që t’u rrijë pranë projekteve dhe shtoi se ky grup i njerëzve meriton përkrahje.

“Fëmijët janë pjesë e vlefshme e shoqërisë, kurse edhe fëmijët me nevoja të veçanta janë pjesë përbërëse dhe kreative e shoqërisë e kjo qendër do të ofrojë qëndrim ditor dhe paralajmërojmë mundësinë që të ketë përparime të mëtejme në këtë drejtim”, ka thënë Qemajl Mustafa, kryetar i Gjilanit.

Edhe Sophie Beaumont nga Zyra e BE-së në Kosovë, ka thënë se investimet që po i bënë BE janë të përbashkëta me qeverinë e Kosovës e me komunën e Gjilanit. Sipas saj, kjo qendër është një nga pesë qendrat që i ka Kosova dhe e cila do të ofrojë asistencë për këta fëmijë.

Klevis Vraqari, nga Organizata “One to one Kosova”, se qendra ofron seanca këshilluese me prindër, aktivitete psiko-sociale, lojëra, ekskursione, kampe verore, takime me prindër.

“Këshilltarët socialë do të punojnë çdo ditë me këta fëmijë, që do të marrin pjesë në aktivitete të ndryshme, do të zhvillojnë shqisat dhe do të kenë koordinimin në mes tyre.
Rritja e vetëbesimit dhe vlerësimit, socializmi e zhvillimi i potencialeve që ka fëmija, do të jenë disa nga aktivitete tjera që do të zhvillohen në këtë qendër”, ka thënë Klevis Vraqari.

Prindi Jahi Hasani, ka falënderuar BE-në, komunën e OJQ-të që po mirëkuptojnë këtë shtresë të shoqërisë dhe tha se ky është një lehtësim i madh për familjet e tilla./rajonipress/