Fejzullahu shënon “hat-trick” në ndeshjen për kupë

Sulmuesi kosovar Erton Fejzullahu ka shënuar tri gola te Djurgardeni që mposhti Umean me rezultatin 3:0. Kjo ndeshje është zhvilluar të dielën dhe i ka takuar xhiros së parë të fazës grupore të Kupës së Suedisë.

Fejzullahu golin e parë e shënoi nga penalltia në minutën e 33-të. Ai edhe golin e dytë e shënoi nga pika e bardhë në minutën e 60-të, kurse tetë minuta më vonë kompletoi “hat-trickun”.(koha)