Fejzullahu në Djurgarden

Erton Fejzullahu e ka zgjedhur ekipin e ri. Sulmuesi kosovar ka arritur marrëveshje me Djurgardenin, pasi nuk u mor vesh me Mjallbyn. Sipas medieve suedeze, Djurgardeni e ka gjetur gjuhën e përbashkët me NEC Nijmegenin, i cili e posedon kartonin e futbollistit, të cilit do t’ia paguajë 6 milionë kronor (rreth 600 mijë euro).

E përditshmja Kristianstadsbladet shkruan se marrëveshja, përfshirë këtu edhe rrogën e futbollistit dhe pagesën e menaxherëve, i ka kushtuar klubit suedez 10 milionë kronor (1 milion euro).

Sipas kësaj marrëveshjeje, Fejzullahu do të paguhet rreth 15 mijë euro në muaj, karshi 5 mijë sa i ofronte Mjallby, ku e kishte kaluar sezonin e fundit si huazim. Mirëpo, këtë ofertë e kishte refuzuar futbollisti kosovar, ndërkohë që drejtuesit e klubit suedez shpresonin të mos i vinte ndonjë ofertë më e mirë.

24 vjeçari ishte rikthyer në Holandë ditë më parë, por sërish e mori rrugën drejt Stokholmit, ku do ta nënshkruajë një kontratë mbi dyvjeçare. Ai pritet t’i kryejë vizitat mjekësore te Royal Canal, ndërsa më pas pritet të jetë i gatshëm për Djurgardenin për ndeshjen e së hënës së ardhshme ndaj Sundsvall.

Shpërndaje.
© RAJONIPRESS