Fejt: Sistemi i drejtësisë duhet të reformohet

Fejt ka kritikuar ashpër sistemin e drejtësisë, duke thënë se ka nevojë të madhe që të përmirësohet, të reformohet dhe të fuqizohet në rritjen e cilësisë, në ndarjen e drejtësisë dhe efikasitetit.

Shefi i Zyrës Civile Ndërkombëtare (ICO), Piter Fejt, në prag të përmbylljes së mbikëqyrjes së Pavarësisë së Republikës së Kosovës, ka vlerësuar fazën e re, në labirintet e së cilës po hynë tashmë shteti i Kosovës.

Ai për herë të parë ka zbardhur edhe marrëdhënien e tij me kryeministrin Hashim Thaçi, ku këtë marrëdhënie e ka quajtur si marrëdhënie të partneritetit. Ndërsa për rastet e këshillimit nga ana e tij, fejt ka thënë se Kryministri Thaçi, nganjëherë i ka marrë këshillat e tij si me rezervë.

“Në shumicën e rasteve i ka pranuar mirë, ndërsa në disa raste i ka pranuar pakë me rezerva. Por në fund ia kemi dalë të gjejmë zgjidhje që kanë qenë të kënaqshme”, ka thënë Fejt.

Ndërsa për situatën veriore të vendit ka thënë se atje duhet të shpërbëhen institucionet paralele. Në një intervistë për Kosova Sot, ai ka folur edhe për korrupsionin dhe pasurimin e politikanëve dhe pushtetarëve. Fejt ka kritikuar ashpër sistemin e drejtësisë, duke thënë se ka nevojë të madhe që të përmirësohet, të reformohet dhe të fuqizohet në rritjen e cilësisë, në ndarjen e drejtësisë dhe efikasitetit.

Fejt gjithashtu i pakënaqur është ndarë edhe me performancën e EULEX-it në Veri, si dhe me proceset e stërzgjatura gjyqësore që shqyrtohen nga EULEX-i.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).