Feith, shqiptarëve: Pajtohuni me serbët!

“Zhgënjyese është që nuk kemi mundur të bëjmë më shumë përparim në veri, padyshim, dhe zhgënjimi tjetër është se nuk kemi mundur të përmirësojmë gjendjen socio-ekonomike në këtë vend”, ka thënë Përfaqësuesi Civil Ndërkombëtar (ICR), Pieter Feith.

Në një intervistë për “Koha Ditore” ai e ka vlerësuar si të gabuar qasjen që veriu të zgjidhet nga ndërkombëtarët, ngase sipas tij këtë mund ta bëjë vetëm Qeveria dhe shumica shqiptare duke ia shtrirë dorën e pajtimit komunitetit serb, sikurse që ka ndodhur në jug.

“Shumë njerëz në Kosovë duhet ta kuptojnë se shumica serbe në veri ende shikojnë kah Beogradi dhe jo Prishtina apo Brukseli, apo Washingtoni. Ata shikojnë vetëm kah Beogradi. Dhe kjo mund të ndryshojë. Por, duhet punë e durim nga komuniteti shqiptar dhe institucionet”, është shprehur ai.