FBI është këtu

Hetuesit e FBI’së kanë mbërritur në Kosovë, ka konfirmuar Ambasada amerikane. Ata kanë nisur të hetojnë vdekjen e Dino Asanajt, ish-Shefit të Agjencisë Kosovare të Privatizimit.

Ekspertët amerikanë ishin në Departamentin për Mjekësi Ligjore. Nga aty kanë marrë raportin e autopsisë, prova dhe ekzaminime tjera në lidhje me rastin.

Ata kanë mbërritur.

Fjala përfundimtare e tyre në cilësi të super ekspertëve pritet t’i qartësojë shumë mistere.

Por, më shumë se kaq, atë që do ta thonë e shkruajnë, mendohet se do të jetë përgjigje në pikëpyetjen e madhe – për rrethanat nëse Dino Asanaj, ish-Shef i Agjencisë Kosovare të Privatizimit (AKP), është vrarë apo vetëvrarë.

Këta janë hetuesit e FBI (Federal Bureau of Invetsigation).

Ata tashmë kanë ardhur në Kosovë.

Një fakt i tillë Gazetës Express të mërkurën i është konfirmuar nga Ambasada e Shteteve të Bashkuara të Amerikës në Prishtinë.

“Ambasada amerikane konfirmon që hetuesit në fjalë janë në Kosovë dhe janë duke kryer punën konform kërkesës që u është bërë”, thonë për Express zyrtarë të sektorit për marrëdhënie me publikun pranë Ambasadës së SHBA’ve në Prishtinë.(express)