Fatmir Hoxha anëtar i devotshëm i LDK-së, i suksesshëm në fushën e biznesit i hynë garës për asambleist
RajoniPress
06:48, 24 Shtator, 2021
Gjilan – Fatmir Hoxha rrjedh prej një familje atdhetare dhe me bagazh kombëtar. Ka një përvojë të gjatë në biznes dhe një përvojë të gjatë edhe në sferën politike. Në LDK është që nga viti 1989.
Fatmir Hoxha është kandidat nga radhët e LDK-së për të zënë ulëse në Kuvendin Komunal të Gjilanit. Ka hyrë në këtë garë për të pasur mundësi që qytetin Gjilanit ta zhvillojë me standarde e kritere evropiane. “Gara ime lidhet me dëshirën që ta avancojë Gjilanin dhe të jem pjesëmarrës në proceset tona katër vjeçare me prijës Lutfi Hazirin” tha Hoxha.
Hoxha ka një bagazh atdhetar të pasur dhe një përvojë të gjatë e të mirë në biznes e politikë.
Fatmir Hoxha ka lindur më 01.01.1965 në Gjilan, në një familje nga Cernica e cila dha shumë patriot për çështje Kombëtare dhe lirinë e Kosovës.
Profesioni: Ekonomist me përvojë të gjatë dhe të suksesshme në biznes.
Aktiviteti politik: Anëtar i devotshëm i LDK që nga viti 1989, kurse në strukturat e LDK nga viti 1996. Në zgjedhjet lokale të vitit 2013 u zgjodh asambleist i Kuvendit Komunal në Gjilan.
Aktualisht: I Propozuar nga kryesia e LDK në Gjilan për asambleist të Kuvendit Komunal në zgjedhjet e Tetorit 2021./rajonipress/
