Fatbardhi fitues i turneut “Flaka e Janarit”

Gjilan – Me mirënjohje është shpërblyer gjyqtari veteran Skënder Hoxha, golashënuesi më i mirë Burim Baxhuku, Fatbardhi, vendi i parë, Lumi Sport, vendi i dytë dhe Drita U19, vendi i tretë.

Ekipi i futbollit “Lumbardhi” nga Livoçi i Epërm i Gjilanit është fitues i turneut tradicional “Rexhep Mala e Nuhi Berisha” , i cili çdo janar mbahet në kuadër të “Flakës së Janari”.

Ekipi nga Livoçi, ka dalë më i miri në mesin e 21 ekipeve sa kanë marrë pjesë, kurse paraqitjen më të mirë e kanë pasur pikërisht në finale, kur kanë mposhtur ekipin “Lumi Sport” me rezultat bindës 7:0.

Është e veçantë se klubi që ka pësuar debakël “Lumi Sport” është përbërë nga lojtarë të KF Drita, emra të njohur të futbollit kosovar, por edhe kësaj radhe u dëshmua se loja kolektive dhe të luajturit bashkë për një kohë të gjatë e ka domethënien e vet.

Në përmbyllje të këtij turneu, Veton Nevzati, drejtor për Kulturë, Rini e Sporte në Gjilan dhe Ahmet Isufi, ish-komandant i Zonës Operative të Karadakut kanë ndarë mirënjohje për lojtarët më të dalluar dhe ekipet më të mira.

Ahmet Daku, një nga organizatorët e turneut ka thënë se turneu ka qenë masovik e sjellja e lojtarëve ka qenë tejet korrekte.

Organizatori i turneut, me mirënjohje ka shpërblyer gjyqtarin veteran Skënder Hoxha, gjyqtarët e turneut si dhe golashënuesin më të mirë Burim Baxhuku. Me kupa, mirënjohje e pajisje sportive u shpërblyen: Fatbardhi, vendi i parë, Lumi Sport, vendi i dytë dhe Drita U19, vendi i tretë. /rajonipress/