Familjarët e dëshmorëve: Heqja e lapidarit, vrasje për së dyti

Përfaqësuesit politikë dhe institucionalë të Luginës së Preshevës në një mbledhje të përbashkët me OVL së UÇPMB-së, kanë shqyrtuar situatën aktuale politike dhe të sigurisë në Preshevë dhe në rajon, njofton Presheva jonë.

Ata kanë konstatuar se gjendja e sigurisë për momentin është e qetë dhe kanë vendosur që nesër në orën 12 do të mbajnë një mbledhje të përbashkët edhe me familjarët e dëshmorëve të kombit në Luginë të Preshevës.

Në këtë mbledhje do të shqyrtohet dhe diskutohet gjendja më e re në Luginë të Preshevës pas dhënies së ultimatumeve për heqjen ose rrënimin e lapidarit të dëshmorëve të kombit të vendosur pranë kuvendit komunal të Preshevës.

Familjarët e dëshmorëve për agjencinë e lajmeve “Presheva jonë” kanë deklaruar se heqja e lapidarit të martirëve të kombit është vrasje e dyfishtë për dëshmorët.

Subjektet shqiptare në Luginë mblidhen nesër sërish për të analizuar gjendjen dhe vendosur për fatin e përmendores së UÇPMB-së në Preshevë.