Familja Kadriu falënderon Qemajl Mustafën

Gjilan – Bajram Kadriu ka falënderuar Qemajl Mustafën për vendosjen e emrit të një shkolle në Gjilan me emrin e Ismajl Kadriut i cili ka kontribuar shumë në zhvillimin e arsimit në luginën e Karadakut.

Në takimin e fundit të KPF-së,(Komiteti për Politikë dhe Financa) janë hedhur në votim propozimet e Këshillit të shkollave gjegjëse, me ç’rast me shumicë votash, KPF vendosi që këto propozime t’i propozoi DKA për emërtimin e shkollave, si në vijim: Për Gjimnazin e ri – Xhavit Ahmeti, Shkolla fillore Lagja VIII – Nazmi Hoxha , Shkolla fillore Lagja II – Sadulla Brestovci, dhe Shkolla fillore e Zabelit të Sahit Agës – Ismajl Kadriu.

Propozimi për emrin e Ismajl Kadriu i ka gëzuar tej mase familjarët e tij. Bajram Kadriu i afërm i Ismajl Kadriut tha për rajonipress se janë shumë të lumtur që emri i Ismajl Kadriut do të jetë i pranishëm në një shkollë të Gjilanit.”Familja Kadriu i shpreh falënderimet më të sinqerta kreut të Gjilanit sepse me këtë gjest është njohur kontributi dhe potenciali i vetëdijes kombëtare të lartë të trashëguar nga gjyshi Idriz Seferi. Ismajl Kadriu ka kontribuar në zhvillimin e arsimit në luginën e Karadakut , Anamoravës dhe rrethinës së Gjilanit e më këtë mirënjohje është nderuar i tërë farefisi ynë” tha Bajram Kadriu./rajonipress/