Familja e Flamur Sejdiut e quajnë proces të montuar rastin ndaj tij

Gjilan- Agim Sejdiu në emër të familjes Sejdiu tha për rajonipress se familjari i tyre s`ka lidhje me rrahjen e avokatit Ramadan Leka. Jemi shumë të irrituar me Gjykatën Themelore në Gjilan e cila pa asnjë dëshmi i caktoj një muaj paraburgim Flamurit. Jemi të shqetësuar dhe të lënduar thellë në aspektin psikologjik dhe shpirtëror dhe po ndihemi të fyer nga organet e drejtësisë në Gjilan tha ky familjar.

Arrestimi i Flamur Sejdiut i dyshuari kryesor për rrahjen e avokatit Ramadan Leka ka irrituar tej mase familjarët e këtij të fundit. Mbi 13 anëtarë të kësaj familjeje tashmë kanë dëshmuar në polici e prokurori se Flamur Sejdiu s`ka lidhje me rastin e avokatit Ramadan Leka.

Agim Sejdiu në emër të familjes Sejdiu tha për rajonipress se familjari i tyre s`ka lidhje me rrahjen e avokatit Ramadan Leka. “Jemi shumë të irrituar me Gjykatën Themelore në Gjilan e cila pa asnjë dëshmi i caktoj një muaj paraburgim Flamurit. Jemi të shqetësuar dhe të lënduar thellë në aspektin psikologjik dhe shpirtëror dhe po ndihemi të fyer nga organet e drejtësisë në Gjilan” tha ky familjar.

Agim Sejdiu tha se vendimi i Gjykatës është i padrejtë dhe i njëanshëm dhe është një proces me skenar të montuar. “Ramadan Leka po mundohet që rastin e tij ta zhvendos në familjen tonë , por kjo nuk do të aprovohet lehtë nga asnjë anëtar i familjes Sejdiu” tha ai.

Sejdiu tha se përkohësisht edhe i kanë ndërprerë fëmijët që të shkojnë edhe në shkollë sepse ndihen të pasigurt meqë janë të privuar nga e drejta themelore për jetë tha Sejdiu.

Ai tha se ka dhënë deklaratë edhe në polici e prokurori dhe do të ankohet edhe tek avokati i popullit dhe të gjitha institucionet relevante të drejtësisë.

Ndryshe Flamur Sejdiu është arrestuar si i dyshuar për rrahjen e Ramadan Lekës dhe i është shqiptuar masa e paraburgimit prej një muaji nga ana e Gjykatës Themelore në Gjilan. /rajonipress/