Evakuohen azilkërkuesit shqiptarë në Lyon

Evakuimi ka filluar sot në ora 8.30 dhe azilkërkuesit e parë kanë mbërritur në Oullins rreth orës 10.00. Sot në ora 7.30 duhej të fillonte dëbimi i kërkuesve të azilit që janë vendosur në Lyon, që nga vera, nën urën Kitchener. Polica komunale ishte në vend si dhe një ekipi i shërbimit “Pastrimi”.

Autobusët ishin në vendin e ngjarjes që nga ora 7.30, ndërsa familjet prisnin numërimin e personave nga prefektura për të filluar evakuimin dhe vazhdonin përgatitjet.

Evakuimi ka filluar sot në ora 8.30 dhe azilkërkuesit e parë kanë mbërritur në Oullins rreth orës 10.00. Në këtë lokalitet pastaj kanë filluar të vendosen 26 familje, 60 të rritur dhe 89 fëmijë, me shtetësi shqiptare, kosovare, boshnjake, ruse, azerbajxhanase, gjeorgjiane dhe sudaneze. Katër rreshta të shtëpizave “algeco” janë të përgatitura për t`i pritur personat në fjalë.

Një pjesë tjetër e këtyre azilkërkuesve do të strehohen në komuna tjera të regjioneve Rhône, Isère ose në l’Ardèche, shkruan leprogress.fr.

Äzilkërkuesit, kryesisht shqiptarë nga Kosova, që nga muajt e verës ishin strehuar në mënyrë ilegale nën urën Kitchener, afër Lionit. Ata jetonin në kushte të mjerueshme, pa ushqim të rregullt dhe pa kushtet elementare higjenike.

Në fillim të nëntorit, albinfo.ch ka bërë një reportazh televiziv që pasqyron rrethanat në të cilat është zhvilluar jeta në këtë lokalitet./albinfo/