Eurogoli i Xhakës, i pari i tillë
Granit Xhaka shënoi eurogol në barazimin 2:2 me Villarealin. Mesfushori kosovar i Borussia Monchengladbachut shënoi nga gjuajtja e lirë me një ‘predhë’, duke e detyruar portierin të bëhet vetëm tifoz. 23-vjeçari thotë se nuk mbanë mend të ketë shënuar ndonjë gol të tillë. “Nuk e mbaj mend të kem shënuar këso goli ndonjëherë. Nuk e di nëse e kam bërë”, tha ai, pas goli të realizuar nga 25 metra.
Topi i goditur nga ai së pari qëlloi transversalen, për të përfunduar më pas në portë. Ai një gol nga gjuajtja e lirë e kishte shënuar edhe ndaj Eintracht Frankfurtit në Bundesligë. “Ndoshta kjo goditje ishte pak më e fortë se sa ajo me Frankfurtin”, thotë duke qeshur prishtinasi që luan me Zvicrën. “Ne vetëm treguam se jemi ende gjallë pas dy humbjeve të pësuara”.
Ky nuk është goli i parë në Ligën e Evropës me Borussian. Xhaka kishte shënuar nga largësia edhe ndaj Sarajevës, në kuadër të ndeshjes kualifikuese për fazën e grupeve.
Borussia Monchengladbach pas pesë ndeshjeve në grupin A, kryeson me nëntë pikë, një më pak ka Villareali, kurse me shtatë sosh është Zurichu i Berat Xhymshitit, që shënoi gol ndaj Apollonit. Gjasat janë të mëdha që Borussia të kualifikohet për më të tutje,pasi në fund pret Apollonin e Qipros./Arena/