EULEX-i t`i mbajë kompetencat ekzekutive

Nëse misioni që do të zëvendësojë EULEX-in do të ketë kompetenca ekzekutive në zbatimin e marrëveshjeve të Brukselit, atëherë ai mision nuk do të jetë më vetëm për sundimin e ligjit.

Analisti Ardian Arifaj, në një intervistë për gazetën Tribuna ka thënë se EULEX-i duhet të mbajë kompetencat në luftën kundër krimit të organizuar e korrupsionit, por edhe në krimet e luftës pasi që institucionet e as politika kosovare nuk janë treguar të gatshme të përballen me këto krime.

“Institucionet e drejtësisë në Kosovë, por edhe ato politike, kanë dështuar të bindin se janë të përkushtuara që të luftojnë krimin e organizuar dhe korrupsionin. Jo vetëm që kanë dështuar të bindin qytetarin kosovar se vërtetë janë të interesuara dhe të afta të luftojnë krimin serioz, por kanë dështuar të bindin edhe bashkësinë ndërkombëtare. Kjo bën që jo vetëm bashkësia ndërkombëtare, por edhe vet qytetarët e Kosovës të presin që ELUEX të mbajë kompetenca në luftimin e krimit të organizuar dhe korrupsionit. Ngjashëm vlen edhe kur është fjala për luftimin e krimeve të luftës”, ka thënë pos tjerash Arifaj…(Tribuna).