EULEX fton edhe gjashtë ish-ushtarë të UÇK-së, të dyshuar për krime lufte

Misioni evropian për rend dhe ligj, EULEX, do t’i nxjerre të enjten para prokurorit edhe gjashtë ish-ushtarë të UÇK-së nën dyshime për krime lufte.

Burime brenda misionit evropian, kanë thënë se të gjithë të dyshuarit janë lajmëruar ditën e mërkurë për procesin hetimor që po zhvillohet ndaj tyre.

Të gjithë luftëtarët janë nga ish Zona Operative e Drenicës.

“Ata dyshohen se kanë qenë të përfshirë në disa akte kriminale gjatë luftës. Që të gjithë duhet të lajmërohen nesër tek prokurori, në të kundërtën merren me forcë. Po gjate ditës, ata do të dalin para një gjykatësi, i cili do të vendos në lidhje me procedurat e mëtejshme”, ka thënë një burimi i gazetës Express, në kushte anonimiteti.

Emrat e të dyshuarve nuk dihen, por sipas burimeve, ata kanë mbajtur funksione të rëndësishme në zonat ku kanë operuar./Indeksonline/