Fundamenti

Ersi Gjana nga Kukësi më i miri në turneun e boksit “Agim Rashiti”

/ 2 minuta lexim

Gjilan – Dashamirët e boksit, sot, në Palestrën Sportive”Bashkim Selishta-Petriti”, në Gjilan, kanë përcjellur 16 luftëra të boksit për nder të turneut Memorial “Agim Rashiti”, i cili nga forcat Serbe ishte vrarë në demonstratat e vitit 1989.

Siç dihet, ky turnir i boksit mbahet nën patronatin e Komunës së Gjilanit, por për çudi sot asnjë zyrtar komunal nuk u pa në këtë turnir, ku morën pjesë shumë boksier nga rajoni.

Në praninë e familjarëve, shikuesve e shumë legjendave të boksit, u zhvilluan meçe mjaft interesante, ndërsa meqi më interesant ishte në mes boksierit nga Kukësi i Shqipërisë, Ersi Gjana dhe Florim Poroshtica në kategorinë 75 kg, ku fitorja i takoi boksierit nga Kukësi, njiherit edhe duke u shpallur boksieri më i mirë i këtij turneu.

Fundamenti

Boksieri Ersi Gjana pas meqit, deklaroi. “Është një ndjenjë e mirë të jesh fitues i një turneu siç ishte ky sot në Gjilan. Jam i lumtur që juria më ka shpallur më të mirin, ishte një meҫ shumë i fortë dhe e përgëzoj organizatorin të cilët në mënyrë të mrekullueshme e kanë organizuar këtë turnir mjaft prestigjiozë”.

Tekniku më i mirë i këtij turneu është shpallur boksieri i talentuar nga KB Gollaku, Rigon Demaku. Meqi më luftarak nga juria është shpallur meqi në mes Lumntrim Xhoxhaj nga Prizreni e Nermin Mujdragiq nga Novi Pazari.

Ndërsa, shpresa e boksit është shpallur Riad Isufi nga KB Trepҫa’89 nga Mitrovica./rajonipress/