Viti, Enver Ukshini është rizgjedhur sërish kryetar i AKR-së në Viti. Në Kuvendin e tretë zgjedhor të mbajtur të dielën ka dalur edhe kryesia e re 17 anëtarëshe.
Në këtë Kuvend ka marrë pjesë edhe kryetari i AKR-së Behxhet Pacolli, i cili ka thënë se dega e AKR-së në Viti, me organizimin e zgjedhjeve brenda partiake si dhe me kuvendin zgjedhor, ka dëshmuar për proceset demokratike brenda AKR-së dhe si e tillë kjo degë mund të jetë mësim për degët tjera të kësaj partie.
Ai ka thënë se kuvendi zgjedhor i AKR-së do të sjellë risi dhe do ta përgatisë partinë për sfidat që e presin në të ardhmen.
Ndërsa Vegim Gashi, nënkryetar i AKR-së, ka thënë se kjo parti i ka hyrë procesit zgjedhor për tu përgatitur për zgjedhjet e ardhshme presidenciale, nacionale dhe lokale dhe se ky proces zgjedhor brenda partisë pritet të përfundoi në tetor.
Kurse kryetari i degës së AKR-së në Viti, Enver Ukshini, ka thënë se dega e AKR-së në Viti, është dega e parë në nivel vendi që përfundon procesin zgjedhor duke respektuar gjitha rregullat dhe kriteret për zgjedhje partiake./rajonipress/
