Ende nuk është arrestuar tinëzari, palo-ministri, Endrit Shala?

Reagime të shumta janë bërë në rrjetet sociale lidhur me sulmin e ulët të ministrit, Endrit Shala, ndaj gazetarit të “Indeksonline”, Ensar Ramadani, në oborrin e QKUK-së.

Gazetari i njohur, Përparim Isufi ka shtruar një pyetje se pse ende s’është arrestuar zyrtari i lartë i NISMA-s.

“Policia ende nuk e ka arrestu kete palo-minister qe tash e tutje do te jete palo-deputet”, ka shkruar ai në Facebook.

Nga ana tjetër, edhe Asociacioni i Gazetarëve të Kosovës ka dënuar ashpër sulmin që i është bërë gazetarit.

“AGK dënon këtë sulm dhe çdo sulm tjetër fizik e verbal që bëhet nga politikanët dhe bartësit e institucioneve dhe fton policinë, prokurorinë dhe të gjithë sistemin e drejtësisë të trajtojnë me prioritet rastet e gazetarëve. AGK në të njëjtë kohë inkurajon kolegët gazetarë që të vazhdojnë të kryejnë me përgjegjësi punën e tyre dhe të mos ndalen para asnjë sulmi e kërcënimi”, thuhej në reagim.

Edhe gazetari shumëvjeçar, Agim Muhaxheri e ka quajtur tinëzar e kapadai ministrin Shala.

““Ministri” tinëzar, kapadai. I kërkoi telefonin, nuk ia dha, ha dajak nga “ministri” i Nismës, Endrit Shala. Grushtohet Ensar Ramadani, gazetari i Indeksonline derisa po kryente detyrën në hapsirat e QKUK, në orët e mbrëmjes të së martës (17 dhjetor 2019). I terrohen sytë, sulmon gazetarin.

Nuk arriti të përmbahet, të njeh deri në dhjetë… Ç’është më e keqja, sulmin e bën në prani të policisë.

Policët bënë seri ! Kë e ruan policia ? Kujtoi ai se është i veshur me petkun e qeveritarit… dhe nuk e kap paragrafi. Paragrafi i kapë edhe ministrat dhe çdo kapadai tjetër. Sulmi tinëzar i tij është flakaresh ndaj gazetarisë. Tipi edhe më heret ka pas probleme me ligjin. Ai është dënuar për vringëllimen e armës gjatë një ndeje në shtëpinë e shefit të tij partiak në Bajë të Malishevës. “Ministri” tinëzar, kapadai nuk ka ra në hundëlesh”, ka shkruar ai. /Indeksonline/