Emini: Viti 2017 do të jetë edhe më produktiv

Viti – Fatbardha Emini drejtoresh e kadastrit dhe pronës në Viti thotë se në vitin 2016 janë shpallur si drejtoria më e mirë në nivel vendi dhe se prioritet i saj në vitin 2016 ka qen përkushtimi dhe realizimi i planit të punës duke shqyrtuar të gjitha kërkesat brenda afateve ligjore.

Fatbardha Emini me shumë mburrje flet për punën e Drejtorisë së Kadastrit, Pronës dhe Gjeodezisë. Duke folur për të arriturat dhe sfidat që e kanë përcjell këtë dikaster gjatë 2016, Emini për rajonipress tha se përkushtimi në realizimin e planit të punës dhe shqyrtimin e kërkesave brenda afateve ligjore ka qen prioritet i punës sonë gjatë 2016.

Sipas Fatbardha Eminit DKPGJ-ja ka arritur rezultate të jashtëzakonshme karshi vëllimit të madh të kërkesave nga palët dhe problematikave që vazhdojnë ta përcjellin Kadastrin në përgjithësi këto 17 vite.
“Këtë rezultat e mbështet fakti se në 2016 kemi shqyrtuar mbi 13 mijë kërkesa ku vetëm transaksione të pronës i kem mbi 1200 transaksione pronësore. E arritur tjetër e madhe konsiderojmë tejkalimin e realizmit të të hyrave financiare, të cilat i kanë tejkalua pritjet tona mbi 110%. Angazhimi dhe disiplina e punës bazuar në rregullativat e deleguara nga Agjencioni Kadastral i Kosovës ka bërë që të vlerësohemi si një nga kadastrat me përformancën më të mirë” shprehet Emini.

Emini thotë se jemi Komuna e parë që prioritet i kemi dhënë të Drejtave Pronësore, andaj edhe jemi mbështet nga Programi i të Drejtave Pronësore të USAID në aktivitet e ndryshme për promovimin e të të drejtave pronësore, ku ky bashkëpunim do të rritet edhe më shumë gjatë 2017. “Për herë të parë është bërë evidentimi i pronave Komunale, projekt ky i realizuar me mbështetjen e DEMOSIT. Do të angazhohemi edhe më shumë që 2017, të jetë viti edhe më produktiv, si në rritjen e efikasitetit të shërbimeve kadastrale, por edhe në rritjen e bashkëpunimit me organizatat dhe donatorët e ndryshëm si: USAID, WOMEN FOR WOMEN etj shprehet Fatbardha Emini Drejtoreshë e Drejtorisë së Kadastrit, Pronës dhe Gjeodezisë në Viti./rajonipress/