Emini me kallëzim penal kundër Srećko Spasić, u cenua rendi Kushtetues

Gjilan – Sot kam paraqitur në Prokurorinë Speciale të Republikës së Kosovës një kallëzim penal ndaj Srećko Spasić, person që sipas të dhënave publike mban pozitë në të ashtuquajturën komunë paralele e Vitisë dhe ka kandiduar për kryetar të Komunës së Kllokotit ka shkruar Arbër Emini.

Njoftimi i plotë:

Ky kallëzim është bërë për shkak të dyshimeve serioze për: cenim të rendit kushtetues të Republikës së Kosovës, ndërhyrje dhe ndikim të paligjshëm në procesin zgjedhor, dhe përfshirje të strukturave paralele në jetën institucionale të komunës tonë.

Integriteti shtetëror dhe zgjedhor i Kosovës nuk mund të cenohet, dhe asnjë individ që vepron përmes strukturave ilegale nuk mund të ketë vend në proceset demokratike të Republikës së Kosovës.

Kërkoj hetim të plotë, të menjëhershëm dhe të paanshëm nga Prokuroria Speciale./rajonipress/