Emërllahu: Rastet shqetësuese dhe dukurit negative janë raste të izoluara

Viti – “Pra gjendja e sigurisë në Komunën e Vitisë, është e mirë dhe stabile, kuptohet me përjashtim të disa rasteve apo dukurive që janë të njohura për Policinë e Kosovës. Pra këto raste nuk janë për ne shqetësuese pasi që janë raste të izoluara” u shpreh Imri Emerllahu.

Ekipi Veprues për Siguri në Bashkësi (EVSB) në Viti ka mbajtur takimin e rregullt. Në këtë takim kanë marrë pjesë përfaqësues të grupeve të EVSB-së dhe Policisë së Kosovës.

Imri Emërllahu, Koordinator i EVSB-së për Viti, bëri me dije që gjatë këtij takimi anëtarët janë njoftuar fillimisht mbi punën e këtij ekipi në katër muajt e fundit, gjendjen e sigurisë në territorin e Komunës së Vitisë por edhe punët që parashihen të zhvillohen në vijim.

Gjatë këtij takimi gjendja e sigurisë në këtë komunë është vlerësuar si e mirë duke potencuar se për kundër që në këtë periudhë kohore kishte dy palë të cilët u mbajtën në këtë komunë pa u shënuar problem i theksuar. “Pra gjendja e sigurisë në Komunën e Vitisë, është e mirë dhe stabile, kuptohet me përjashtim të disa rasteve apo dukurive që janë të njohura për Policinë e Kosovës. Pra këto raste nuk janë për ne shqetësuese pasi që janë raste të izoluara” u shpreh Emerllahu.

Gjithashtu në këtë takim janë përmendur edhe disa probleme të cilat janë identifikuar nga anëtarët e EVSB-së./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).