Emërllahu: Kufiri në Karaqevë është i shpifur nga autoritetet serbe

Gjilan – Dali Emërllahu që ka prejardhjen nga Breznica e Bujanocit thotë se kufiri i tanishëm në Karaqevë i vendosur menjëherë pas luftës nuk është kufi real. Kufiri i mëparshëm ka qen tek varrezat e Breznicës dhe Karakolli. Xhandarmëria serbe duhet të largohet nga vendi i tanishëm thotë Emërllahu.

Profesori dhe intelektuali Dali Emërllahu derisa ka marrë një mirënjohje nga Lëvizja “Vatra” ka folur edhe për kontestin kufitar që ka Karaqeva në raport me Serbinë, raporton rajonipress.

Emërllahu i cili rrjedh nga fshati Breznicë i Bujanocit tha se kufiri i Karaqevës është i shpifur sepse asnjëherë s`ka pasur as punkt e as post bllok ushtarak në vendin e tanishëm.

Sipas Emërllahut kufiri legal gjithmonë ka qen tek varret e Breznicës dhe Karakolli. “Unë e mbajë mend edhe si fëmijë këtë pjesë dhe ky kufi legal duhet të respektohet edhe tani. Karaqeva është trilluar nga Serbia me të vetmin qëllim që të grabitet territor nga Kosova. Asnjë politikë dhe asnjë institucion shtetëror në Kosovë nuk guxon ta pranojë vijën aktuale të kufirit në Karaqevë sepse ky kufi ndodhet brenda territorit të Kosovës” tha Emërllahu./rajonipress/