Elitarët kthehen nga Shqipëria me tre garues kampion

Gjilan – Klubi i Karatesë “Elita” nga Gjilani po vazhdon rrugëtimin e saj të suksesit pasi karateistët e saj më 17 nëntor ka marrë pjesë në dy turnirë të mbajtura në Shqipëri:Turnirin “Tirana Open 2013” dhe Turnirin “Kupa e Elbasanit 2013”.

Klubi “Elita” ka marrë pjesë me gjithsej 8 garues, 4 garues kanë marrë pjesë në “Tirana Open” që është mbajtur në Tiranë dhe 4 garues kanë marrë pjesë në kupën e Elbasanit që është mbajtur në Elbasan.

Trajneri i klubit Xhevat Shabani tha se garuesit e “Elitës” kanë treguar sukses në këto gara për arsye se kemi treguar një cilësi dhe profesionalizëm të lartë. “Elita” në këto gara ka marrë pjesë me 8 garues dhe ka fituar gjithsej 8 medalje prej tyre: 3 vende të para, 3 vende të dyta dhe 2 vende të treta.

Përfaqësuesi i klubit të “Elitës” Bashkim Byqmeti tha se elitarët në këto gara kanë shkëlqyer pasi që kanë arritur të marrin medalje secili garues, 8 garues, 8 medalje. “Jemi kthyer me tre kampion nga Shqipëria, ky është një rezultat i mirë që tregon se KK “Elita” po vazhdon suksesin gjatë gjithë vitit 2013” tha Byqmeti.

Garuesit që kanë fituar medalje në këto turnire janë :Turniri “Tirana Open 2013” (4 garuees):

Fortesa Orana, vendi i parë (kumite);
Ariana Byqmeti, vendi i dytë (kumite);
Meriton Byqmeti, vendi i dytë (kumite);
Flaka Halili, vendi i tretë (kumite);
Turniri “Kupa e Elbasanit 2013” (4 garues):
Puhiza Halili, vendi i parë (kumite);
Lendrit Behluli, vendi i parë (kumite);
Puhiza Halili, vendi i dytë (kata);
Nart Shehu, vendi i tretë (kumite)./rajonipress/