Fundamenti

Ekstradohet në Podgoricë i dyshuari për krime ndaj shqiptarëve

/ 2 minuta lexim

Podgoricë – Serbia e ekstradoi sot në Mal të Zi Predrag Strugarin (51) nga Beogradi, i cili kërkohej nga Interpoli për shkak të dyshimit se në territorin malazias, si ish-pjesëtar i Ushtrisë së Jugosllavisë ka kryer krim të luftës ndaj civilëve shqiptarë gjatë luftës në vitin 1999, njoftoi sot Podgorica zyrtare.

Strugar është arrestuar më 30 tetor 2010 në Beograd sipas flet-arrestit të Interpolit të Podgoricës, ndërsa ekstradimi i tij është bërë në përputhje ,e marrëveshjen për ekstradimin e shtetasve që kërkohen për krime lufte.

Drejtoria e policisë malaziase njoftoi se Strugari kërkohet të sillet para gjykatës me qëllim të zhvillimit të procedurës gjyqësore para Gjykatës së lartë në Bijello Polje, për arsye të dyshimit të bazuar se ka kryer vepër penale të krimit të luftës kundër popullsisë civile.

RCCOLA

Në Gjykatën e lartë në Bijello Polje është duke u zhvilluar gjykimi kundër Strugarit dhe shtatë ish-ushtarakëve tjerë, të cilët janë akuzuar se më 18 prill 1999, në vendin Kallugjerski Llaz, komuna e Rozhajës, kanë vrarë gjashtë refugjatëve shqiptarë.

Vazhdimi i porsesit gjyqësor është paraparë për 14 shtator.