Prishtinë – Biznesmeni pejan Ekrem Lluka është gjobitur me 900 euro për dëshmi të rreme kundër atyre që i kishte denoncuar për kërcënim. Ai ka mohuar para trupit gjykues se është “kërcënuar seriozisht”.
Të dënuarit thonë se Lluka po i çon në burg për t’i shpëtuar 500 mijë euro. E polici që kishte kryer hetimet tashmë është shpërblyer me një vend pune në kompaninë e Llukës.
Lluka është gjetur fajtor për dëshmi të rreme në procesin gjyqësor kundër Muhamet Demajt, Bajram Mehmetajt dhe Azem Veselit, të cilët pritet të vuajnë nga tre vjet burgim për veprën penale të detyrimit. Me 900 euro gjobë është dënuar edhe miku i tij, Naim Hajrizi.
Dëshmitë e tyre në polici dhe në prokurori janë marrë si të vërteta nga Gjykata e Qarkut e Pejës dhe Gjykata Supreme dhe jo ato të dhëna para trupit gjykues. Për pasojë këta tre persona pritet të shkojnë në vuajtje të dënimit për zhvatje.
Gjerësisht rreth këtij procesi dhe skandali lexoni sot në “Koha Ditore” .
