Ejup Qerimi po armatoset me para të PTK-së

Ejup Qerimi, drejtor menaxhues i Postës dhe Telekomit të Kosovës, ka vendosur të armatoset. Madje në mënyrë profesionale. Ka disa muaj që po stërvitet dhe gati e ka përsosur gjuajtjen me armë të shkurtra.

Këtë trajnim, sipas një fature që e posedon gazeta, ai e ka nisur më datën 06. 11. 2013 në kompaninë “Reload”, për të cilin ka paguar 280 euro nga buxheti i kompanisë që drejton, PTK-së.

Këtë e ka konfirmuar vetë ai. Ndërkaq, ka shpjeguar se ende nuk ka vendosur për llojin e revoles që do ta blejë. Por, sipas ligjit, ka kohë gjashtë muaj për të bërë zgjedhjen nga dita kur të pajiset me leje. Këtë të fundit tashmë e ka marrë. Ndërkaq, Qerimi ende nuk ka dorëzuar kërkesë në Policinë e Kosovës se cila është arsyeja që të pajiset me armë.

Në zyrën për informim të Policisë së Kosovës kanë thënë se bazuar në Ligjin për mbrojtjen e të dhënave personale PK-ja nuk është e obliguar të japë përgjigje për këtë çështje…(Tribuna).