Eh lum baba për ju

Nga Nijazi Kastrati – Tregim satirik

Mos të zëntë sherri i gruas!
Kohë më parë njeri kishte martuar 6 djem që kishte. Si zakonisht, djemt disa në mërgim e disa këtu, por të gjithë në punë tërë ditën.
Plaku kishte qenë mjaft koprrac dhe nuk donte të shihte rejat duke pi kafe, andaj tërë ditën sillej në sallon.
Rejat nuk dinin si ta largonin nga shtëpia sa për të gjetur kohë të pinin një kafe.
Njëra, ndër më të zhdërvjellëtat po u thotë kunatave:- Bëni gati xhezven dhe filxhanët se unë tash e përcjell plakun nga shtëpia!

• Po si moj, ende nuk është koha e namazit të drekës për të shku n’xhami?
  -Mos keni merak ju, unë e përcjell para kohe dhe hyri në dhomën ngjit me dhomën e ditës dhe ia filloi me thirrë ezanin: Allahu ekber, Allahu ekber…
  Kur e dëgjoi plaku, bërtiti duke kërku që t’ia sillnin legenin për abdes sa më shpejt se po e humbë namazin.
  Rejat jo që ia sollën shpejt legenin, por edhe i hidhnin ujë në dorë të merr më shpejt. Kur e kreu i uroj rejat për shërbimin e mirë duke u thënë: -Eh, lum baba për ju!
  -Ec o babë, ec se mos po vonohesh?
  -Po moj bijë, ika! -Zoti ua pranoftë baba- tha tjetra!
  Plaku iku n’xhami e rejat pinin kafe dhe bënin humor.
  Nga ajo ditë kunatës ia lanë emrin “hoxhonicë”, dhe çdoherë kur plaku u sillej rrotull dhe i pengonte, i thonin “hoxhonices” të thërret ezanin!
  Duke pi kafe e duke u tallë mes vete, njëra kunatë filloi të këndonte:
  Ty të lumtë kunata jonë
  Para kohe thërret ezan
  E ngut plakun për xhami
  Ne rahat kafe me pi!
  Qeshën e qeshën sa mundën me kunatën që mashtroi plakun e gjorë!