Edi Rama: Ja pse zgjodha Cakajn

Kryeministri Edi Rama zbuloi para ambasadorëve arsyet pse zgjodhi Gent Cakajn për postin e ministrit të Jashtëm, në vend të Ditmir Bushatit.

Kryeministri i Shqipërisë, Edi Rama, ka thënë se Gent Cakajn, nuk e ka zgjedhur pse është kosovar, por për shkak se sipas tij, ai është një shqiptar pasionant për politikën dhe për atdheun.

“Unë nuk e kam zgjedhur Gent Cakajn as si kosovar dhe as si i ri, por si një shqiptar pasionant për politikën dhe për atdheun tonë”, tha Rama, raporton TCH.

Tutje Rama ka thënë se e mbështet dialogun mes Kosovës dhe Serbisë si dhe arritjen e një marrëveshjeje që garantohet nga SHBA dhe BE.

“Ai nuk ka predikuar ndryshime kufijsh në Ballkan. Dua ta bëj të qartë se Shqipëria e mbështet dialogun dhe inkurajon marrëveshjen mes Kosovës dhe Serbisë, e cila të garantohet nga SHBA dhe BE. Të tjerat janë fukarallëk mendjesh dhe maskarallëk”, shtoi kryeministri.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).