Edhe vitin që vjen, Qeveria do të harrxhojë para në rrugë

Qeveria e udhëhequr nga Kryeministri Hashim Thaci, do ta ketë prioritet kryesor rregullimin e infrastrukturës rrugore edhe në vitin 2014.

Rreth 180 milion euro janë planifikuar të shpenzohen për investimet kapitale në infrastrukturën rrugore nga 402 milion euro sa janë planifikuar të jenë shpenzime kapitale në nivelin qendror.

Kostoja e investimeve në autostrada në intervalin prej gjashtë vjetësh, do të arrij në gati 1.5 miliardë euro, shkruan Koha Ditore.

Autostrada në drejtim të Shkupit pritet të kushtojë afro 700 milion euro, ndërkohë që për “Rrugën e Kombit” që ende nuk ka mbërritur në pikën përfundimtare, janë shpenzuar gati 800 milion euro.

Për zyrtarët qeveritar, buxheti i vitit 2014 garanton rritje ekonomike, rritje të të hyrave, të investimeve kapitale dhe rritje të pagave. Ndërsa opozita e quan buxhet të mbijetesës së institucioneve dhe të vendnumërimit, e jo të zhvillimit ekonomik dhe të përmirësimit të jetës së qytetarëve.