Edhe Vitia ka mungesë të ujit të pijshëm

Gjilan – Ngritja e vazhdueshme e temperaturave dhe thatësira e madhe e cila po mbretëron në vendin tonë ka vështirësuar furnizimin me ujë të qytetarëve të qytetit të Vitisë dhe të fshatit Vërban.

Komuna e Vitisë, konkretisht Drejtoria për Shërbime Publike dhe Emergjencë po bënë përpjekje që t`i dal në ndihmë qytetarëve të cilat kanë nevojë për ujë.

Sipas Drejtorit të Drejtorisë për Shërbime Publike dhe Emergjencë Agim Haziri vështirësitë më të madhe rreth furnizimit me ujë të pijes ka fshati Vërban ndërsa sipas tij përmes njësitit të Zjarrfikësve në këtë fshat Komuna e Vitisë dhe kjo drejtori ka dërguar disa herë cisterna me ujë të pijshëm me qëllim që t`i shërbejmë qytetarëve të cilat kanë nevojë për ujë në këto ditë të nxehta.

Haziri tha se rastet e tilla nuk ka në fshatra të tjera pasi që falë sistemit të ujësjellësve që janë bërë, por edhe fal iniciativës së qytetarëve në hapjen e puseve kjo situatë është duke u mbajtur në kontroll.

Ai tha se ka pasur disa ankesa të cilat vijnë nga disa lagje të qytetit të Vitisë pasi gjatë kësaj kohe ka pasur reduktime të furnizimit me ujë nga kompania e ujësjellësit “Hidromorava” ndërsa përmendi edhe shkaqet e këtij problemi. “Problemi qëndron në rrjetin e vjetër të ujësjellësit meqë ndryshonë diametri i gypave për shkak të rritjes së kapacitetit të ujitë që është bërë. Gypi hyrës është më i vogël ndërsa ndarësi është më i madh andaj nuk ka mundësi që të bëhet furnizimi përmes të këtij gypi, pra në këto ditë të nxehta qytetarët nuk mund të furnizohen pa ndërprerë me ujë po ne po bëjmë përpjekje që të bëhet një ndarje proporcionale e ujit” u shpreh Haziri.

Drejtori Haziri tha se është e domosdoshme ndërrimi i gypave të këtij ujësjellësi, por se kjo është e pamundur për shkak të kostos së madhe dhe se sipas tij duhet të shikohen mundësitë që për çdo vit të punohet në këtë rrejt i cili është i vjetërsuar me qëllim të eliminohet ky problem.

Ai gjithashtu ju bëri thirrje qytetarëve që gjatë kësaj kohe të nxehtë dhe të thatë ta kursejnë ujin e pijes dhe të mos shfrytëzojnë atë pa nevojë. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).