Edhe pozimi nudo është art

Është kjo Afrona Dika bukuroshja që po korr suksese kudo në Evropë. Edhe pse është e lindur dhe rritur në Zvicër, modelja nuk e harron Dibrën prejardhjen e saj për të cilën thotë se ndjehet mjaftë krenare. Por megjithëkëtë, Afrona është e lidhur edhe për Kosovën pas pjesëmarrjes së saj në “Vip Shpija 3”.

Afrona ndjehet e lumtur me sukseset në fushën e modës, mbase e veçanta e saj është edhe guximi për të pozuar nudo. “Ka disa vite që merrem me modelim, i cili më ka hapur shumë rrugë. Jam ndër të paktat e modeleve shqiptare që kam guximin për të pozuar nudo dhe kjo për mua është shumë normale. Edhe kjo është art, është punë e një modeleje që kërkon të arrijë suksese”, ka thënë ajo për “Zërin”.

Përveç modelimit, Afrona është e dhënë edhe pas aktrimit, ku shumë shpejt shpreson të bëhet pjesë e kinematografisë evropiane duke tentuar të hyjë edhe në Hollivud.

“Më pëlqen shumë edhe aktrimi dhe uroj që në të ardhmen të merrem edhe me këtë profesion.Aktualisht jam duke ndjekur studimet për aktrim këtu në Zvicër në ‘Stage Academy of Switzerland’ dhe uroj që të arrijë synimet e mia në aktrim”, shton ajo. Bukuroshja 20 vjeçare aktualisht është e përqendruar vetëm në ndërtimin e karrierës, duke lënë anash sferën e dashurisë.