Edhe një e arritur shkencore për ekonominë kosovare, nga Dr. Shqiprim Jashari, në fushën e marketingut digjital

Gjilan – Sot përfundova me sukses mbrojtjen e disertacionit të doktoratës në Fakultetin Ekonomik, Departamenti i Marketingut. Faleminderit të gjithë atyre që ishin pjesë e këtij rrugëtimi dhe kontribuuan në realizimin e tij ka shkruar Shqiprim Jashari.

Postimi i plotë:

Falënderimet më të përzemërta për familjen time të dashur, shtyllën kryesore të këtij rrugëtimi.
Një falënderim i veçantë për Profesor Dr. Nail Reshidin dhe Prof. Dr. Granit Baces për mbështetjen e pakursyer gjatë gjithë procesit.
Mirënjohje gjithashtu për z. Fejzulla Mustafa, drejtor i kompanisë RC Cola, për mirëkuptimin dhe mbështetjen e vazhdueshme që më ndihmoi në balancimin e punës dhe suksesit akademik.
Faleminderit të gjithë atyre që ishin pjesë e këtij rrugëtimi dhe kontribuuan në realizimin e tij. Kur ke pranë njerëz të mirë dhe të dashur, çdo sfidë bëhet më e lehtë!
Me respekt dhe mirënjohje,
Shqiprimi

Kurse Sami Arifi ka shkruar se doktoratura e Shqiprim Jasahrit është edhe një e arritur shkencore për ekonominë kosovare.

Edhe një sukses për ekonominë kosovare në mbrojtjen e temës së Doktoraturës nga Shqiprim Jashari, në fushën e “Ndikimit të Strategjive të Marketingut Digjital në Sektorin e Gastronomisë në Kosovë“.

Më 20 shkurt 2025 në përbërjen e komisionit profesional: mentor i temës Prof. Dr. Nail Reshidi dhe në përbërje me kryetarin e këtij komisioni Prof. Dr. Besim Beqaj si dhe nga anëtarët e komisionit Prof Dr. Raman Ismaili dhe nga prof. Dr. Saranda Kajtazi, mbrojti temën Shqiprim Jashari në fushën e “Ndikimit të Strategjive të Marketingut Digjital në Sektorin e Gastronomisë në Kosovë“.

Dr. Shqiprim Jashari u lind në fshatin Vërban komuna e Vitisë, shpresojmë se të arriturat e tij në fushën e shkencës do të jenë të pandalshme, meqë mosha e re e tij do të sjellë prurje edhe në fusha tjera për ekonominë e vendit ka shkruar Arifi./rajonipress/