Edhe në Gjilan shënohet dita ndërkombëtare e familjes

/ 2 minuta lexim

Gjilan – Drita Klaiqi ka thënë se në lokalitetet rurale ka mangësi të njohurive për të drejtat e njeriut dhe barazinë gjinore.

Drita Klaiqi, zyrtare për barazi gjinore në kuadër të Njësisë për të Drejtat e Njeriut, ka thënë se në kuadër të 15 majit, ditës ndërkombëtare të familjes, në Gjilan po fillon një fushatë vetëdijesimi i qytetarëve për shëndetin dhe të drejtat e njeriut, që do të vazhdojë gjatë tërë javës dhe do të shtrihet në zonat e thella rurale si dhe në mjediset ku jetojnë komuniteti serb e rom.

Eco Higjiena

Klaiqi ka thënë se në lokalitet rurale ka mangësi të njohurive për të drejtat e njeriut dhe barazinë gjinore. Në fshatrat Shurdhan e Kishnapole, që banohen nga popullata shqiptare, në Shillovë, ku jeton komuniteti serbe si dhe në lagjen “Dheu i Bardhë“, ku jeton komuniteti rom, do të mbahen debate gjatë kësaj jave nga zyrtarët e kësaj Njësie, ku do të flitet për rëndësinë që kanë të drejtat e njeriut dhe barazia gjinore në një shoqëri demokratike, ka thënë Klaiqi.

Moto e kësaj fushate është “Shoqëria e shëndoshë, familja e lumtur”, e cila do të qëndrojë e varur në ballinën e Teatrit të Qytetit në Gjilan, ku është zbuluar të martën, derisa të zgjasë projekti. Projekti mbështet edhe nga Grupi i Joformal i Grave të Komunës së Gjilanit./rajonipress/