Edhe mjekësia familjare dhe ambulancat private me komision të etikës

Gjilan – Hajriz Ibrahimi do të udhëheq komisionin e etikës i formuar nga drejtorati për shëndetësi dhe mirëqenie sociale tha Xhemajl Salihu.

Pas spitalit rajonal të Gjilanit të cilët tashmë janë bërë me komision të etikës i cili do të përcjellë punën e mjekëve dhe punëtorëve tjerë shëndetësor edhe drejtorati për shëndetësi dhe mirëqenie sociale ka formuar komisionin e etikës i cili do të përkujdeset për shërbimet primare në mjekësin familjare dhe ambulancat private.

Dr.Xhemajl Salihu tha për rajonipress se ky komision do të përcjellë punën e mjekëve në mjekësinë familjare dhe në ambulancat private.”Pacientët do të kenë mundësi që në të gjitha institucionet tona të japin vërejtje,ankesa dhe pse jo edhe padi ndaj mjekëve që shkelin betimin e hipokritit”.

Salihu është i bindur se ky komision do ta kryejë punën me nder dhe do të jetë në shërbim të një mjekësie më cilësore dhe më të përgjegjshme.

Hajriz Ibrahimi një mjek me autoritet dhe profesionist tha se ky komision është dashur kaherë të formohet.”Shpresojë se komisioni do ta përcjellë çdo parregullsi dhe lëshim profesional. Për mua dhe këtë komision prioritet do të kenë ankesat serioze dhe ato që kanë fakte dhe dëshmi” tha Ibrahimi.

Sipas Ibrahimit tash e tutje puna e mjekëve do të jetë e monitoruar pos nga përgjegjësit institucional,edhe nga vet pacientët dhe ata që drejtpërdrejtë kanë kontakte apo mund të atakohen nga padrejtësitë eventuale të mjekësve shëndetësor” tha Ibrahimi./rajonipress/