Edhe Gjilani bëhet me Klubin e Biçiklistave

Gjilan – Qyteti i Gjilanit tash e tutje do të ketë në mënyrë të organizuar çiklistet dhe simpatizantët e këtij sporti. Formimi i klubit të çiklistëve tashmë të organizuar edhe si OJQ kanë nisur aktivitetet e tyre thotë Refik Ramadani kryetar i klubit.

Është mbajtur Kuvendi i Anëtarëve të “Klubit të Biçiklistëve të Gjilanit” ku edhe marrë iniciativa të krijohet një shoqatë edhe në Komunën tonë, ku edhe kemi zgjedhur udhëheqësit e shoqatës.

Qyteti i Gjilanit tash e tutje do të ketë në mënyrë të organizuar çiklistet dhe simpatizantët e këtij sporti. Formimi i klubit të çiklistëve tashmë të organizuar edhe si OJQ kanë nisur aktivitetet e tyre thotë Refik Ramadani kryetar i klubit.

Refik Ramadani, kryetar i klubit thotë se Qëllimi thelbësor i këtij organizimi si Shoqatë, konsiston në faktin që të promovojmë në mënyre më të organizuar çiklizmin si sport edhe në Komunën e Gjilanit. Si nismëtar të themelimit të Shoqatës, përmes aktit juridik statutar ne kemi precizuar edhe qëllimin, obligimet dhe përgjegjësitë e secilit anëtarë që do të dëshirojë të bëhet pjesë e kësaj Shoqate, me qëllim organizimin sa më të mirë dhe me qëllim aktivizimin e potencialit rinor edhe në sportin e çiklizmit.

Në këtë mënyrë Shoqata jonë do të mbulojë si OJQ gjithë hapësirën e Komunës sonë, duke bashkëpunuar me shoqatat në qendrat tjera të Kosovës, marrjen e përvojave më të mira të tyre me qëllim të organizimit sa më të mirë edhe për në Gjilan.

Shoqata jonë është e gatshme të marrë përgjegjësitë organizative dhe t’u nënshtrohet të gjitha rregullave të rregulloreve për OJQ-të apo për sportin e çiklizmit. Në anën tjetër Bekim Bllaca, njëri nga themeluesit e klubit flet për aktivitet e shoqatës së çiklistëve në Gjilan.

Sipas tij në fikus të shoqatës janë : Zhvillimi i sportit të Çiklizmit në Gjilan, përcaktimi dhe zbatimi i politikave zhvillimore të Çiklizmit, harmonizimi i aktiviteteve të klubeve, shkollave dhe seksioneve të Çiklizmit, propozimi i programeve të aktiviteteve të Çiklizmit si nevoja publike, mbështetja në realizimin e programeve publike në Çiklizem, përcaktimi i formës së garave dhe kushteve të organizimit të garave në Çiklizëm.

Ndërkaq Milot Bajrami, çiklist në klubin e çiklistëve në Gjilan, thotë se anëtarësimi është i hapur dhe se shoqata pretendon masivizimin e shtrirjen gjithë andej pa dallim etnie.

Anëtarësimi në organizatë është i hapur për çdo person pa marrë parasysh racën, gjininë, orientimin seksual, shtetësinë, kombësinë, religjionin, moshën, ose aftësitë fizike. Ftojmë të gjithë të interesuarit të na bashkëngjiten në klub sepse tani e tutje do zhvillohen edhe aktivitete të ndryshme të çiklizmit në Komunën e Gjilanit thonë themeluesit e Klubit të Biciklistave të Gjilanit./rajonipress/