Edhe Chievo kërkon Berishën

Skuadra e Chievos ka hyrë në garë për ta transferuar portierin kosovar të Kalmarit, Etrit Berisha, njofton të dielën “tuttomercatoweb.com”. “Lazio dhe Chievo janë në garë për Etrit Berishën (24), portierin e Kalmarit dhe Kombëtares së Shqipërisë.

Chievo ka nevojë për një portier dhe shumë shpejt do të bëjë lëvizje për të gjetur portier të ri”, ka shkruar uebfaqja italiane.

Ditë më parë interesim për ish-reprezentuesin e përfaqësueses së Kosovës, Etrit Berisha, kanë shprehur edhe skuadra tjetër italiane, Lazio, dhe ajo franceze, Monaco.

Vetë Berisha ditë më parë ka deklaruar se do të shkojë te një skuadër ku do të jetë portier i parë. Berisha 24-vjeçar me Kalmarin ka kontratë deri në fund të këtij viti.