“Eco-Higjiena” pastron shtratin e lumit “Morava” në Viti

Viti – Kryetari i Komunës së Vitisë së bashku me përfaqësuesit e kompanisë “Eco-Higjiena” kanë vizituar sot disa lokacione ku janë hedhur mbeturinat, konkretisht pjesën e shtrati i lumit “Morava” në qytetin e Vitisë. Përveç kryetarit të pranishëm ishin edhe drejtori i Inspeksionit dhe ai i Shërbimeve Publike si dhe zyrtar komunal të cilët merren me çështje mjedisore.

Gjatë kësaj vizite në terren Kryetari Haliti ka shikuar për së afërmi gjendjen mjedisore në Viti, konkretisht shtratin e lumit “Morava” ku sot janë parë punëtorë të kompanisë së pastrimit “Eco-Higjiena” të cilët ishin duke e pastruar shtratin e këtij lumi.

Haliti theksoi se qeveria e tij komunale është e interesuar të përmirësoj gjendjen e mjedisit në këtë komunë dhe njëherit kërkoj nga përfaqësuesit e kompanisë “Eco-Higjiena” që të jenë më aktiv në largimin e mbeturinave.”Kërkoj nga kompania përkatëse që të bëjmë çmos që në komunën tonë të largohen mbeturinat. Sigurisht se ne si Institucione Komunale do të përkrahemi kompaninë dhe atë përmes sektorit të inspekcionit duke shqiptuar masat e nevojshme për të gjithë ata që hedhin mbeturina” u shpreh Haliti.

Ai gjithashtu theksoi se është me rëndësi që edhe fshatrat të pajisen me kontinjerë dhe të bëhet grumbullimi i mbeturinave.

Ndërsa përfaqësuesi i kësaj kompanie, austriaku Gehard Dummer theksoi se problem kryesor mbetet vetëdijesimi i qytetarëve, pasi sipas tij shpesh herë ndodhë që kompania bënë largimin e mbeturinave dhe ato prapë hedhën nga qytetarët e pandërgjegjshëm./rajonipress/